بلوزات محجبات صيف 2022
مفيش بنت مصرية محجبة مسألتش السؤال المشهور: نفسي في بلوزة سادة لونها أبيض أو اسود ومن غير أي اختراعات وكمها طويل وتكون simple وشيك وسعرها مناسب؟
والإجابة دايما في رداء! من التصاميم المميزة جدا ببساطتها، لدرجة انها من أكتر القطع مبيعا على مدار كل فصول السنة، الصيف، الشتا، الربيع وكمان الخريف...
الميزة في البلوزات السادة انك ممكن تلبسي عليها حاجات كتيرة، تقدري تلبسي عليها جيبة صك، جيبة بليسيه، بنطلون وايد ليج...
كمان ممكن تلبسي فوقيها كارديجان، أو لو في الشتا تقدري تلبسي عليها جاكيت أو بليزر...
البلوزات في رداء نوعين، بلوزات سادة، وبلوزات منقوشة مشجرة... تعالوا ناخد جولة في كل نوع ونعرف ألوانه ومميزاته وسعره كمان.
بلوزة سادة كم puffy (اللون الأبيض) سعرها مفاجأة!
تقدري تقولي كده إن ديه قطعة الملابس اللي بتحلم بيها كل بنت محجبة! بلوزة سادة بكم لونها أبيض، مفيهاش أي اختراعات ولا افتكاسات... مقاساتها كلها موجودة، من أول المقاس الميديام، مرورا بالمقاس اللارج، المقاس الإكس لارج، ولحد مقاس 2 إكس لارج...
مش بس تصميمها بسيط لدرجة إنه حاز إعجاب كل الناس اللي جربتها، ده كمان سعرها عبقري، سعر يحسسك إنك بتعملي شوبينج في سنة 2005 مثلا ولا حاجة.... تخيلي ان سعرها أقل من 200 جنيه!
البلوزة البافي باللون الأبيض الكلاسيكي الأنيق، مصنوعة من خامة البنجالين المميزة، واللي مش هتحسي معاها بحرارة الصيف أبدا، هتحسي بالخفة والمرونة دايما... طولها 70 سم، وسعرها 195 جنيه فقط! وأكيد طالما وفرنا اللون الأبيض يبقي كان لازم نوفر اللون الأسود كمان...
بلوزة كم سادة لون اسود (ملك الألوان)
اللون الأسود دايما مرتبط بالثقة بالنفس، الذكاء، والجاذبية... اللون الأسود لازم يكون اختيارك لو عايزة تسيبي انطباع أول مميز في أي مكان تروحيه، بالإضافة كمان انه ناس كتيرة بتعتقد انها ان اللون الأسود بيظهر انك أقل في الوزن... وبغض النظر اذا كان ده حقيقي أو لأ، فلازم يكون في دولابك بلوزة لونها اسود... قطعة عملية جدا وشيك، وممكن تتلبس وتتنسق ب 1000 طريقة! ميزة اللون الأسود انه مش مرتبط بموضة أو موسم معين، فهو لون مناسب لكل أنواع المناسبات!
اللون الأسود من البلوزة البافي متوفر ب 4 مقاسات مختلفة، مقاس الميديام، مقاس اللارج، مقاس الإكس لارج، ولحد مقاس إكس إكس لارج... كمان متوفرة بنفس سعر البلوزة البيضا... 195 جنيه فقط!
ألوان تانية سادة من البلوزة البافي!
البلوزة البافي بعد ما أثبتت نجاحها بسبب بساطة التصميم وتميزه... عملنا منها أكتر من 10 ألوان!
البلوزة البافي متوفر منها الألوان ديه:
بلوزة بافي سيمون، بلوزة بافي بترولي، بلوزة بافي منت، بلوزة بافي جنزاري، بلوزة بافي كشمير، بلوزة بافي بيج، بلوزة بافي زيتي، بلوزة بافي روز، بلوزة بافي بيبي بلو، وكمان بلوزة بافي لافندر
بلوزات محجبات مشجرة
بلوزة واسعة منقوشة أبيض
اتكلمنا عن البلوزات السادة، نتكلم بقي عن البلوزات المنقوشة، وزي ما بدأنا بالبلوزة البيضا السادة، نبدأ كلامنا بالبلوزة البيضا المشجرة... البلوزة المنقوشة بلوزة تريندي جدا... هتحسي معاها انك لابسة ملابس unique وإطلالتك مميزة جدا... لإن تفاصيل النقشة نفسها مميزة للغاية... البلوزة المنقوشة بتيجي ب 4 مقاسات، مقاس ميديام، مقاس لارج، مقاس إكس لارج، ومقاس 2 إكس لارج... أما عن خامتها، فالبلوزة مصنوعة من خامة البليسيه الكورشيه التركي... بيجي معاها حزام من الوسط عشان تقدري تنسقيها بأكتر من شكل مختلف...
بلوزة واسعة منقوشة اسود
الأسود ملك الألوان، حتي لو كان منقوش برضه! إطلالة مميزة جدا ليكي، بحزام مميز جدا في الوسط، تقدري انك تنسقيها باكتر من شكل مختلف... لو محتارة تلبسي إيه ويكون مناسب لصيف 2022 وفي نفس الوقت شيك ولطيف، فأكيد هيكون اختيارك البلوزة الشابونيز باللون الأسود المنقوش...
البلوزة متوفرة ب 4 مقاسات مختلفة، مقاس الميديام، مقاس اللارج، مقاس الإكس لارج، ومقاس 2 إكس لارج
وبسعر 395 جنيه فقط، مصنوعة من خامة البليسيه كورشيه التركي..
بلوزة مشجرة لون بينك
لون فرايحي ومبهج جدا... هتحسي بالبهجة والمرح وانتي لبساه... لون لايق على فصول الصيف والربيع... مليان طاقة إيجابية وشعور جيد تجاه العالم... اللون البينك من البلوزة المشجرة متوفر ب 4 مقاسات برضه، من أول المقاس الميديام، مرورا بالمقاس اللارج، المقاس الإكس لارج، ولحد المقاس 2 إكس لارج... مصنوع برضه من خامة البليسيه كورشيه التركي... ومتوفر بسعر 395 جنيه بس!
بلوزة منقوشة واسعة لون كافيه
لون هادي وجميل ومختلف... بيحسسك دايما بالتفرد والأصالة.. وانتي لبساه بتحسي انك حكيمة ورزينة كمان... اللون ده متوفر ب 4 مقاسات كالعادة، مقاس ميديام، مقاس لارج، مقاس اكس لارج، ومقاس 2 اكس لارج...
مصنوع من خامة البليسيه كورشيه التركي المميزة جدا، وبسعر 395 جنيه فقط لا غير...
بلوزات عملية، شبابية، وعلى الموضة...
أحلي قطعة في دولابك، أقرب قطعة ملابس لقلبك، قطعة عملية، شبابية، بمجرد ما تلبسيها بتحسي بالحيوية والانطلاق... سواء كان ذوقك هو حب الألوان السادة الأنيقة، الأسود والأبيض وباقي الألوان... أو كنتي بتحبي البهجة والنقشات المشجرة الجميلة، واللي بتديكي حيوية وبتصغرك في السن وبتحسسك بالطاقة الإيجابية والبهجة...
سواء اختارتي تلبسيها مع جيبة صك، أو جيب بليسيه، أو مع بنطلون... سواء هتلبسي معاها طرحة سادة، أو منقوشة، سواء قررتي تلبسي فوقيها كارديجان أو قفطان... أو قررتي تلبسيها في مناسبة عملية وعليها بليزر شيك... دايما البلوزة هتكون قطعة أساسية في دولابك، ودايما هتسد معاكي في كل مناسباتك... ودايما هتحسي بالامتنان لوجودها... ودايما هتقدري تطلبيها بكل سهولة من موقعنا، بأفضل الخامات، أنسب الأسعار، وتوصلك في مدة قصيرة مع خدمة ما بعد البيع مميزة جدا...